 |
| Petuah Adoe (Photo : Sy) |
Assalamu’alaikoem rakan meutuah
Bacut Loen peugah loen karang haba
Loen lake meuah rakan meutuah
Bek na salah meusalah di yaumil masya
Haba loen karang keu saboh Dayah
Meunyoe na salah peutupat sigra
Dayah Darul Muta’allimin teudong bineh glee
Jioeh sare ka deungon kota
Bak ujoeng Gampa tamong Seuneubok Dayah
Lam pucoek jareung troeh honda
2010 Dayah nyan teudong
Hana loem na mon tempat rah muka
Kama kamo eh cit saboeh nibak masa nyan
Kamoe na lapan lam saboeh kama
Ban ditroen ujeun leupah tat seudeh
Bak sago binteh meuroe ie mata
Walaupun meunan bek salah pikee
Dayah bineh gle bek salah kira
Pemimpin Mahasiswa inan ka lahee
Beutat bineh gle ka dithe keudeh ue luwa
Jino loen peugah rakan meutuah
Ngon izin Allah Dayah ka jaya
Ngon beureukat doa saudara dayah
Kan indah 4 boeh qabilah tat raya-raya
Mushalla kana leupah tat indah
Tempat ibadah kamoe saudara
Kasep keuh oeh noe haba loen peutroe
Singoeh ta sambong meunyo na paksa
Post a Comment